O morati ea nthatang Hymn Lyrics

O morati ea nthatang

O morati ea nthatang
Ea ikentseng motsoalle
Oa pelo e tshepehang
Ngoan’eso ka sebele
O Jesu, Jesu oa ka
Uena Mor’a Molimo
Ha u mpona lefeela
U nthata ke’eng hakalo!

Leha u le Marena
U hlompheha hakalo
Ha u itloaetsa ‘na
O mokaakang mohlolo!
E, pel’a hao Monghali
Lihlong lia ntshoanela
Ha u bua, Monghali
Tsoalo le se le fela

U ntsebile kahohle
Bopehonyana saka
Ua nthata u ntsebile
Le joale u sa nthata
Leha ke u soabisa
Ke hlola ke koeneha
U sebete, u mosa
Jesu, u ntse u nthata

O Jesu ea lerato
U ntumelle ka mehla
Ha ho hlaha sefefo
Ke tshabele ho uena
Mpate ka atla tsa hao
Fefo se be se fete
Oho, sefubeng sa hao
Jesu, u ‘n’u mpoloke

Ka na le uena feela
ha ke tshepe osele
Kea u khomarela
Se khathale, se ntahle
Ke moratoana oa hao
Nthonyana e fokolang
Oho, se fele mohau
‘Moloki ea ratehang!