Ruri, Le nkhapile pelo Hymn Lyrics

Ruri, Le nkhapile pelo

Ruri le nkhaphile pelo,
Lefatshe le letle lela
Ke utloa bohloko
Ke seka meokho
Ha ke ntse ke le hopola
Lumelang! Kea tsamaea
Ke ea lefatsheng lela
Jesu oa mpitsa, o ntokisetsa
Sebaka sa ho lula

Le ‘na ha ke molato teng
Ke ha eso ka sebele
Baratuoa ba teng
Ke ba ntebeletseng
Ke ba heso, ke metsoalle
Lumelang! Kea tsamaea…

Nka ema joang ka masoabi
Ha ke le pel’a lebitle?
Leha le le letsho
‘Me le le maruru
Ke eona khoro ea khanya
Lumelang kea tsamaea …

Lefu leha le tshabeha
Ke lemgosa le molemo
Ke le tlang ho mpepa
Tharing ea Morena
Ho nkisa hae ha Molimo
Lumelang! Kea tsamaea …

Jo ‘na ‘na, litaba tsa teng
Li ntlholla le mehopolo!
Ha Jesu a le teng
Ha ke batle tse ling
Ke lona lehlohonolo
Lumelang! Kea tsamaea…

Nteseng, le’na ke akofe
Ke roetsoe ke hlolohelo
O Jesu u nthuse
Ke fihle ho Ntate
Le ‘na ke bone phomolo
Lumelang!ke tsamaea …